खळ्यादार’ कल्याणी
ती कॉलेजच्या ऑफिसमध्ये शिरली, की स्टाफची धांदल उडायची.
बापरे ... कल्याणी मॅम आल्या.
मला कळायचे नाही, हे लोक तिला एव्हढे वचकून का राहतात?
मग कुणीतरी सांगितले की तिने सगळ्यामध्ये धाक निर्माण केलाय, ती मॅनेजमेंटची जवळची नातेवाईक आहे म्हणून. आणि तिला वाटलं तर ती तक्रार करू शकते.
बहुधा दहा वर्षे झाली असतील ह्या गोष्टीला.
हा असा 'गाजवे'पणा तिच्यात अगदी ठासून भरलेला.
मनस्वी, स्वछंदी जगण्याची पुरेपूर आवड, त्याला चंचलतेची किनार.
'पॅथॉलॉजी' क्षेत्रातील शिक्षण आणि त्यातील कामाचा प्रदीर्घ अनुभव.
आजच्या 'करोना महामारी'च्या काळात हा अनुभव पणाला लावून आज ती उभी आहे 'कोविड योध्या'च्या रुपात ! महापालिकेच्या 'टेस्टिंग डिपार्टमेंट'मध्ये चाळीसहुन अधिक स्टाफ सोबत ती लढते आहे लढाई !! जीवाची बाजी लावून आपली 'कमिटमेंट' पूर्ण करतांना ती विसरलेली असते घरसंसार.
पण मला खात्री आहे,
कामाच्या धबडग्यात वेळ मिळाला की डबा खातांना ती मनातल्या मनात नक्की गुणगुणत असणार,
‘वारदात’ चित्रपटातल्या, तिच्या आवडत्या गाण्याच्या ओळी...
तू मुझे जानसे भी प्यारा है !
तेरे बीन जग सारा सुना है !
अशा वेळी कपाळावर येणाऱ्या कुरळ्या केसांच्या बटांना दूर सारतांना, गालावरच्या खळ्यांचे सौंदर्य अधिकच खुलत असणार !!
अशा ह्या 'खळ्यादार’ कल्याणीस जन्मदिनाच्या मनःपूर्वक शुभेच्छा !!
P.c.
anilbagul1968@gmail.com
No comments:
Post a Comment